X-Press Pearl කරපු විනාශය සම්බන්ධයෙන් TISL සහ CEJ නැවත ශ්‍රේෂ්ඨාධිකරණයට.

එක්ප්‍රස් පර්ල් නෞකාව මෙරට මුහුදු සීමාවේදී ගිනි ගෙන මුහුදු බත්වීමේ සිද්ධිය හා ඊට අනුබද්ධිත සෙසු අල්ලස් හා දුෂණ චෝදනා සම්බන්ධයෙන් මේ වන විට ශ්‍රේෂ්ඨාධිකරණය හමුවේ ගොණු කර ඇති පෙත්සමට අතරමැදි තවත් පෙත්සමක් පසුගියදා ගොණු කර ඇත.

එස්ප්‍රස් පර්ල් නෞකාව 2021 මැයි මස 20 වෙනිදා කොළඹට නුදුරු මුහුදේදී ගිනි බත් වී විනාශයට පත්ව අනතුරුව ගිලී ගියේය. මෙම නෞකා අනතුර හේතුවෙන් ශ්‍රී ලංකා මුහුදු කලාපයට දැඩි ලෙස හානි සිදු වී ඇති බව පරිසරවේදීන් පෙන්වා දෙයි.

එස්ප්‍රස් පර්ල් නෞකාව මෙරට මුහුදු සීමාවේදී ගිනි ගෙන විනාශ වීම හා ඊට අනුබද්ධිත අල්ලස්,දුෂණ හා පර්යේෂණ ප්‍රමාද වීම් සම්බන්ධයෙන් මූලික අයිතිවාසිකම් පෙත්සමක් ට්‍රාන්ස්ෆේරන්ස් ඉන්ටර්නැෂනල් ආයතනය (TISL), පරිසර යුක්ති කේන්ද්‍රය(CEJ) සහ තවත් තිදෙනෙකු විසින් විසින් අංක SC/FR/168/2021 යටතේ ශ්‍රේෂ්ඨාධිකරණය හමුවේ ගොණු කර ඇත.එසේ ගොණු කර ඇති පෙත්සමට අතරමැදි පෙත්සමක් පසුගිය 12 වෙනිද ශ්‍රේෂ්ඨාධිකරණය හමුවේ පෙර පෙත්සම්කරුවන් විසින්ම ගොණු කර ඇත. තමන් මෙම මැදිහත්වීම සිදු කරණු ලබන්නේ මහජන සුභ සාධනය වෙනුවෙන්ම බවද පෙත්සම්කරුවන් සදහන් කරයි.

එක්ස්ප්‍රස් පර්ල් නෞකාව මෙරට මුහුදු සීමාවේදී ගිනි ගෙන මුහුදු බත්වීම හේතුවෙන් වන්දි ඉල්ලීමේ ක්‍රියාවලියේදී සිදුවී ඇති බව කියන අක්‍රමිකතා, තත්ත්වය හැසිරීමේදී ඇති වී තිබෙන බව කියන වැරදි, කඩාකප්පල් කිරීම්, අල්ලස් සහ දුෂණ චෝදනා බරතපල බවද පෙත්සම්කරුවන් සදහන් කර ඇත.

MV X-Press Pearl නමින් හදුන්වන මෙම භාණ්ඩ ප්‍රවාහන නෞකාව ගිනි ගෙන විනාශයට පත්ව මුහුදු බත්වීම මෙරට මුහුදු තතීරයේ සිදුවී ඇති දරුණුතම සමුද්‍ර හානිය බව පෙත්සම්කරුවන් සදහන් කර ඇත. මෙම නෞකා අනතුරින් පසුව ශ්‍රී ලංකා බලධාරීන් ඒ සම්බන්ධයෙන් සිදු කර ඇති ක්‍රියාකාරකම් වලදී එම නැව් හිමියාගේ රක්ෂණ සමාගමේ නියෝජිතයෙකු වන International Tanker Owners Pollution Federation Limited (ITOPF) ආයතනයේ සහාය ලබා ගෙන ඇති බවටද චෝදනාවක් ඇත.

ගොණු කර ඇති අතරමැදි පෙත්සම ජුනි 15 වෙනිදා ශ්‍රේෂ්ඨාධිකරණය හමුවේ කැදවීමට නියමිතව ඇත.

එස්ප්‍රස් පර්ල් නෞකා අනතුර හේතුවෙන් සිදුවී ඇති හානියට වන්දියක් ලබා දෙන ලෙස ඉල්ලමින් ශ්‍රී ලංකා රජය මේ වන විට සිංගප්පූරුවේ අධිකරණයක් හමුවේ නඩුවක්ද පවරා ඇත.