By Prasanna Pradeep Kumara
වවුනියාව දකුණ ප්‍රාදේශිය සභාව මගින් 2018 වසරේ පමණ ඉදිකොට වැඩ අවසන් කළ නිවාඩු නිකේතනය හා උත්සව ශාලාව අද වන විට නිසි පරිදී ආදායම් නොලබන අසාර්ථක ව්‍යාපෘතියක් බවට පත්ව ඇති බවට ප්‍රදේශවසීන් පවසයි.
ඒ අනුව අදල හෝටලය වවුනියාව දකුණු සිංහල ප්‍රාදේශීය සභාවට ආදායමක් උපයා ගැනීමේ අරමුණින් ඉදි කර ඇති අතර එහි ආදායම් වාර්ථා වලට අනුව එහි ආදායම ක්‍රමාණුකුලව අඩු වෙමින් පවතී.
අදාල හොටලය ඉදි කිරීම සදහා එවකට රුපියල් 8,894,661.77 ක මුදලක් වැය කොට ඇති අතර එහි 2018 වසරේ සිට ඉකුත් 2022 වසර දක්වා ආදායම රුපියල් 1,467,191.67 කි ඒ අනුව අදාල ව්‍යාපෘතියට වැය කල මුදල හෝ උපයාගෙන එය ලාභ ලබන තත්වයකට පැමිණිමට නම් දශක ගණනාවක් බලා සිටිමට සිදුවනු ඇත.
තවද මේ පිළිබද තවදුරටත් අනාවරණය වන කරුණ නම් අදාල නිවාඩු නිකේතනය හා උත්සව ශාලාව 2018 වසරේ විවෘත්ත කිරීමෙන් අනතුරුව 2019 වසර තුළ එකදු රුපියලක හෝ ආදායමක් උපයා නොමැති බවයි.
මෙවන් විශාල මුදලක් වැය කොට නිම කරණ ලද ව්‍යාපෘතියකින් වසරක් කිසිදු ආදායමක් නොලැබිම එහි අසාර්ථකත්වයේ තරම කියාපාන සාධකයක් නොවන්නේද.
එපමණක්ද නොවේ 2018 වසරේ රුපියල් 635,917.00 ක මුදලක් උපයා ඇති බව ප්‍රාදේශිය සභාව පවසන අතර 2019 වසරේ එහි ආදායමක් නොමැත තවද 2020 වසරේ 107,000.00 ක මුදලක් උපයා ඇති බවත් 2021 වසරේ 428,000.00 ක මුදලක් හා 2022 වසරේ 296.274.67 ක මුදලක් අදාල නිවාඩු නිකේතනයෙන් හා උත්සව ශාලාවෙන් උපයා තිබේ.
ඒ අනුව ඉහත තොරතුරු වලට අනුව එම නිවාඩු නිකේතනය හා උත්සව ශාලාව මුල් වසරට සාපෙක්ෂව ආදායම අවම විම එහි අසාර්ථකත්වය කියා පාන මිණුමකි ජනතාවට අදාල ව්‍යාපෘතියේ බරින් නිදහස්ව එහි ආදායමක් උපයන තත්වයකට පත්වන තෙක් තවත් දශක ගණනාවක් බලා සිටිමට සිදු වන්නේ නම් මෙවන් සුදු අලින් වන් ව්‍යාපෘතීන්ගේ ඇති ඵලය කුමක්ද යන්න සිතා බැලිය යුත්තකි.
Leave a comment